ತೆಕ್ಕಟ್ಟೆಯಲ್ಲಿ ಏಕವ್ಯಕ್ತಿ ಯಕ್ಷಗಾನ ಸ್ಪರ್ಧೆ-2013
ಲೇಖಕರು : ಸತೀಶ್ ನಾಯಕ್ , ಪಕಳಕು೦ಜ
ಶನಿವಾರ, ಸೆಪ್ಟೆ೦ಬರ್ 21 , 2013
|
|
ಸೆಪ್ಟೆ೦ಬರ್ 23 , 2013
|
ತೆಕ್ಕಟ್ಟೆಯಲ್ಲಿ ಏಕವ್ಯಕ್ತಿ ಯಕ್ಷಗಾನ ಸ್ಪರ್ಧೆ-2013
ಕುಂದಾಪುರ :
ಕಳೆದ ಹಲವು ವರ್ಷಗಳಿಂದ ಯಕ್ಷಗಾನದ ವಿವಿಧ ಪ್ರಕಾರಗಳ ಸ್ಪರ್ಧೆಯನ್ನು ಹಮ್ಮಿಕೊಂಡು ಬಂದ ತೆಕ್ಕಟ್ಟೆ-ಕೊಮೆ ಯಶಸ್ವಿ ಕಲಾವೃಂದ ಅ.6ರಂದು ತೆಕ್ಕಟ್ಟೆಯ ಹಯಗ್ರೀವ ಸಬಾಭವನದಲ್ಲಿ ಬಡಗುತಿಟ್ಟಿನ ಶೈಲಿಯಲ್ಲಿ 'ಏಕ ವ್ಯಕ್ತಿ ಯಕ್ಷಗಾನ ಸ್ಪರ್ಧೆ'ಯನ್ನು ಹಮ್ಮಿಕೊಂಡಿದೆ.
15 ನಿಮಿಷಗಳ ಕಾಲಮಿತಿಯಲ್ಲಿ ಅಂಗಿಕ ಮತ್ತು ವಾಚಿಕಾಭಿನಯ ಸಹಿತ ಸ್ಪರ್ದಾಳುಗಳು ಪ್ರರ್ದಶನ ನೀಡುವುದಕ್ಕೆ ಅವಕಾಶವಿದೆ. ಹವ್ಯಾಸಿ ಕಲಾವಿದರಿಗೆ ಮಾತ್ರ ಸೀಮಿತವಾದ ಈ ಸ್ಪರ್ಧೆಯಲ್ಲಿ 16ವರ್ಷದ ಕೆಳಗಿನ ಜೂನಿಯರ್‌ ವಿಭಾಗ ಮತ್ತು 16ವರ್ಷಕ್ಕಿಂತ ಮೇಲ್ಪಟ್ಟ ಸೀನಿಯರ್‌ ವಿಭಾಗಗಳಲ್ಲಿ ಸ್ಪರ್ಧೆ ನಡೆಯಲಿದೆ.
ಹಿಮ್ಮೇಳ -ವೇಷಭೂಷಣಗಳನ್ನು ಸಂಘಟಕರು ಒದಗಿಸಲಿದ್ದು, ಪ್ರಥಮ 2 ಸಾವಿರ, ದ್ವಿತಿಯ 1 ಸಾವಿರ, ಹಾಗೂ ತೃತೀಯ 500 ರೂ. ಬಹುಮಾನವಿರುತ್ತದೆ. ಅ.1 ಹೆಸರು ನೋಂದಾಯಿಸಲು ಕೊನೆಯ ದಿನವಾಗಿರುತ್ತದೆ. ಹೆಚ್ಚಿನ ಮಾಹಿತಿಗೆ ದೂ.9945947771ನ್ನು ಸಂಪರ್ಕಿಸಲು ಕೋರಲಾಗಿದೆ.
ಕೃಪೆ : ಉದಯವಾಣಿ
|
|
|
